Afrasiab Universityda universitet faoliyatining ustuvor yoʻnalishlari va taʼlim jarayoni samaradorligini oshirishga qaratilgan navbatdagi kengash yigʻilishi boʻlib oʻtdi.
Yigʻilish davomida oʻquv jarayonini tashkil etish, talabalar bilimini baholash, akademik qarzdorliklarni bartaraf etish hamda professor-oʻqituvchilarning ilmiy faoliyatini qoʻllab-quvvatlash masalalari atroflicha koʻrib chiqildi.
Shuningdek, universitetning oʻquv-metodik bazasini mustahkamlash, zamonaviy taʼlim talablarini joriy etish va ilmiy salohiyatni yanada oshirish boʻyicha muhim masalalar muhokama qilindi.
Kengash yigʻilishida belgilangan vazifalar taʼlim sifatini yaxshilash, samarali boshqaruvni taʼminlash va universitet rivojiga xizmat qilishga qaratildi.